Morgallo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pa la malotía infecciosa d'os mamiferos carnivoros, como os cans, se veiga Morgallo (Carnivora).

O morgallo^[1][2][3] (morgaixo^[4][5] en Ribagorza) ye o nombre que recibe o moco espeso que s'expulsa por a nariz en mocar-se u esternudar u por a boca en garraspiar, y que a sobén procede d'as vías aerias baixas d'a persona (bronquios) mas que d'as altas, aon que o moco por costumbre ye mas fluido.

En condicions normals, a mucosidat bronquial no se percibe y se deglute sin nian percatar-se-ne, con que remata en o estomago aon que se degrada. Manimenos, en procesos como a bronquitis, a pneumonía u mesmo una gripe con especial afectación bronquial, se'n gosa producir dica o punto d'expulsar morgallo por nariz y boca, de regular intercalando-se con toses que son as que lo fan puyar.

1. ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
2. ↑ (es) BLAS GABARDA, Fernando y ROMANOS HERNANDO, Fernando, El Aragonés de Baixo Peñas; Institución «Fernando el Católico» + Gara d'Edizions. Zaragoza, 2005. ISBN 84-8094-054-9
3. ↑ (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions. Zaragoza, 2007. ISBN 978-84-8094-058-0
4. ↑ (es) BALLARÍN CORNEL, Ángel, Diccionario del benasqués; Zaragoza, 1978. Consultable en linia a traviés de (an)(es)(en) Diccionario del benasqués. Morgáixo - consultau o 24 de marzo de 2019.
5. ↑ (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2